اية الكرسي ( أعوذ بالله العظيم من الشيطان الرجيم ) [اللّهُ لاَ إِلَهَ إِلاَّ هُوَ الْحَيُّ الْقَيُّومُ لاَ تَأْخُذُهُ سِنَةٌ وَلاَ نَوْمٌ لَّهُ مَا فِي السَّمَاوَاتِ وَمَا فِي الأَرْضِ مَن ذَا الَّذِي يَشْفَعُ عِنْدَهُ إِلاَّ بِإِذْنِهِ يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا! شَاء وَسِعَ كُرْسِيُّهُ السَّمَاوَاتِ وَالأَرْضَ وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيم] صدق الله العظيم
احمد الهادي أهلا بيك يا مليون مرحب ليك محبة وشوق وتحية .. منك رسل لينا بيانك ومننا ليك حق العضوية

                                                       

مواضيع الساعة

صفحة جديدة 1

شــروط العضوية ... إقرأ قبل أن تسجــل   ...

الجود بالموجود فى ثقافة الردود ,,,, للكاتب الدرويش   ...

المسابقة الأدبية .. النسخة الثالثة   ...

عزيزنا الكاتب بكل أوجه ابداعك ... تفحص إبداع الآخرين أولا ... حتى يقع حرفك منهم موقع الروح .... كلمة الإدارة


العودة   منتديات مرافئ الإبداع السودانية > المرافئ العامة > المرفأ العام
اسم المستخدم
كلمة المرور
هل نسيت كلمة المرور؟

الإهداءات
إضافة إهداء
آخر 12 مشاركات
صلوا على الحبيب صلى الله عليه وسلم (الكاتـب : نوارة البركل - آخر مشاركة : عبد الواحد محمد - مشاركات : 3107 - )           »          صـــــــــديق الأمــــــــــــس !! (الكاتـب : عمر عيسى محمد أحمد - مشاركات : 0 - )           »          أتُراها حَقَّاً لا تدري؟! (الكاتـب : صلاح سيدأحمد الغول - مشاركات : 9 - )           »          جمعة مباركة (الكاتـب : علاء الدين وديدي - آخر مشاركة : عوض جلاس - مشاركات : 260 - )           »          خارج القانون ,, داخل الذات (الكاتـب : بسطاوى - مشاركات : 289 - )           »          الالفية الخامسة (الكاتـب : عبد الواحد محمد - مشاركات : 12 - )           »          الاســـم الظــالم الـــذي يحــــط مــن مقـــام حامــله ! (الكاتـب : عمر عيسى محمد أحمد - آخر مشاركة : عبد الواحد محمد - مشاركات : 2 - )           »          مذهب مفرط (الكاتـب : سكت الرباب - مشاركات : 2 - )           »          ست الناس 1 (الكاتـب : هاني إسماعيل الرحال - آخر مشاركة : قوس قزح - مشاركات : 5 - )           »          نقع الغليل في رثاء أم عبير (الكاتـب : المبارك ابراهيم - آخر مشاركة : ابو عبير - مشاركات : 101 - )           »          يعني ما نحتفِل السّنه دي ولا شنو يعني؟؟!! (الكاتـب : صلاح سيدأحمد الغول - آخر مشاركة : أبو إيثار - مشاركات : 4 - )           »          يايابا (الكاتـب : هاني إسماعيل الرحال - آخر مشاركة : عبد الواحد محمد - مشاركات : 2 - )

انشر الموضوع

إضافة رد

 
أدوات الموضوع انواع عرض الموضوع
قديم 03-14-2011, 07:16 PM رقم المشاركة : 1
معلومات العضو
اريج الوعد
عضو مجتهد

الصورة الرمزية اريج الوعد

افتراضي كلام حبوبات.....

اها جيتكم مع قهوة العصر...
حضرت عدة قهوتي ولعته البخور وبخرتة الفناجين بالمستكه... والبخور المسبع....
وعاد كبيت البن شكل جبل ومعاهو حبة سكر وجبت الجمره طفيتها في البن اكيد عرفتوها
قهوة مقننة.. ومعاها اغنيات زماااااان....

شدولو فوق باقيد ونسفولو الفتريت يازولي... اللهجو بيقيد فوق شلخو الدمعه تبيت يازولي....

لاتدنقر للتراب ولاتصنقع للسحاب يازولي يابطنا طي حجاب هوي بلاك البيت خراب يازولي...
لاتدنقر ولاتهيم ولاتصنقع للنجم يازولي يابطنا طي هدم هوي بلاك القئ حرم يازولي..
ان دقوني بيك رضيت وان خلوني بيك رضيت يازولي..



اها البوست كلو عن معالجة الحبوبات للمواضيع... والما عندو كبير يشتري كبير...

اها ياوليداتي تعالوا البن جاهز واقعدو الاحدثكم بالخبر دي....







التوقيع

رد مع اقتباس
قديم 03-14-2011, 07:30 PM رقم المشاركة : 2
معلومات العضو
شيكو
عضو ممتاز

الصورة الرمزية شيكو

إحصائية العضو







آخر مواضيعي

شيكو غير متواجد حالياً


الالفية 2000 

افتراضي

اقتباس
  المشاركة الأصلية كتبت بواسطة اريج الوعد
اها جيتكم مع قهوة العصر...
حضرت عدة قهوتي ولعته البخور وبخرتة الفناجين بالمستكه... والبخور المسبع....
وعاد كبيت البن شكل جبل ومعاهو حبة سكر وجبت الجمره طفيتها في البن اكيد عرفتوها
قهوة مقننة.. ومعاها اغنيات زماااااان....

شدولو فوق باقيد ونسفولو الفتريت يازولي... اللهجو بيقيد فوق شلخو الدمعه تبيت يازولي....

لاتدنقر للتراب ولاتصنقع للسحاب يازولي يابطنا طي حجاب هوي بلاك البيت خراب يازولي...
لاتدنقر ولاتهيم ولاتصنقع للنجم يازولي يابطنا طي هدم هوي بلاك القئ حرم يازولي..
ان دقوني بيك رضيت وان خلوني بيك رضيت يازولي..



اها البوست كلو عن معالجة الحبوبات للمواضيع... والما عندو كبير يشتري كبير...

اها ياوليداتي تعالوا البن جاهز واقعدو الاحدثكم بالخبر دي....


يا أريجنا الفنانة
الفكرة جميلة
طيب انتي ختيتي تلاتة نقاط محورية للكلام
أولا انو قعدة الجبنة والطقوس اللي بتمارس فيها كشكل اجتماعي بيلم الاسرة ومن خلال تناول الجبنة بتطرح الامور والمشاكل الاسرية
نمرة اتنين الاغنية عند الحبوبات بتاخد أنماط مختلفة بتبدا من اللولاي والهدهدة وتتحول فيمابعد لمعاني وقيم تانية زي الاوردتيهو انتي الان.
تالتا تناول جزئيات الفلكلور السوداني الصميم من خلال تثبيت مفهوم انو مهما تقلب بينا العصر في مضامين في التراث لازم نحافظ عليها وده كان واحد من أهداف بوست جامعة بت البلد الشديدة ولضيدة
الحبوبة بتمثل جامعة في حد ذاتا لانها خريجة مدرسة الحياة الواسعه
حاجيك راجع لانو البوست بستاهل
تسلم أريج الوعد






التوقيع

كان ما وقفت مع الحق ماتصفق للباطل
رد مع اقتباس
قديم 03-14-2011, 09:01 PM رقم المشاركة : 3
معلومات العضو
روعة النيل
عضو جيد

الصورة الرمزية روعة النيل

افتراضي

اريج الوعد

انثري حضوركــ على اوضة حبوبتى ...

وعنقريبها المنسوج محنة ....

وادخلى جوه لا تكلها ....

.ونسينا بفاطنى السمحة ...

وبنات الحور ...

.وادخلى على مخلاية ملانى ذكريات ...

.معطونة حديث ونضم طاعم ..

يشبه بلدنا ...

وتلك الشلوخ .....

التى رسمت ملامح طيبة,,,,,

وياها قلوب حبيبة ..وملآآآنى طيبة ....

منتظرنكــــ على اثير تلك الوسادة

حتى تكتمل لوحتنا بحبوبتنا ..






رد مع اقتباس
قديم 03-14-2011, 09:35 PM رقم المشاركة : 4
معلومات العضو
عثمان جرا
عضو مجتهد

الصورة الرمزية عثمان جرا

افتراضي

اريج....
مررت من هنا فكنت حاضراً فى زمان الدهشة الجميل ...
مررت من هنا فكانت الذكريات الاحلى على الاطلاق ...
وهنا تذكرت اندثار معانى الحبوبة التى نعرفها ..
والحبوبة الآن ...
حبوبة عصرية ...
هل لذلك الزمان من عودة....؟؟؟







التوقيع

فراق مافى رجعة برغم الطريق...
أنين مافى دمعة تهدى الحريق...
أغيب مرة أوعى أغيبب وأفيق...
أطيق ياتو وجعة بقيت لا رفيق...
رد مع اقتباس
قديم 03-15-2011, 12:10 AM رقم المشاركة : 5
معلومات العضو
قوس قزح


الصورة الرمزية قوس قزح

إحصائية العضو







آخر مواضيعي

قوس قزح غير متواجد حالياً


الادارة الألفية الثالثة وسام الاداره المميزة الادارة 

افتراضي

اريج الوعد .. انتي اظنك تربية حبوبات ، جنس الكلام ده مابعرفوهو الا الناس الربتن حبوباتن .. والله اول مرة اسمعوا .. قعدة جبنتك لذيذة ودايما ما تدور في قعدات القهوة ( خلاف القطيعة ) كتير من الاهازيج وانواع الونسات المختلفة وبعض الطقوس المرتبطة بالبيئة والمكان ، حضرت مثل هذه القعدات وانا صغير جدا جدا ، لكن بكل أسف حبوببتي ماتت ( ربنا يرحما ) وانا لسه صغير ومن يوما اتفرتكت قعدة القهوة في بيتنا ..


غايتو نحن بنتفرج واكيد حنستمتع بالقعدة دي
تقبلي تحياتي






التوقيع


رد مع اقتباس
قديم 03-15-2011, 01:30 PM رقم المشاركة : 6
معلومات العضو
اريج الوعد
عضو مجتهد

الصورة الرمزية اريج الوعد

افتراضي

يا اولادي اتلمو وتعالوا قراب.... الافراح تدور البيكوسلها ويمشيلا عشان يجيبا.. يسعد بيها مع الاحباب... والاحزان ما دايرالها اسباب.. تفتشلك وتجيك خباب( مسرعة)...
كلامي اكان فهمتوه تعيشو قراب وتعيشوا احباب.. والمشاكل البيدورها يجيبه بلا اسباب...
نصحتي ختوها ولا ترموها وراء الباب...







التوقيع

رد مع اقتباس
قديم 03-16-2011, 08:03 PM رقم المشاركة : 7
معلومات العضو
اريج الوعد
عضو مجتهد

الصورة الرمزية اريج الوعد

افتراضي

اقتباس
  المشاركة الأصلية كتبت بواسطة شيكو
يا أريجنا الفنانة
الفكرة جميلة
طيب انتي ختيتي تلاتة نقاط محورية للكلام
أولا انو قعدة الجبنة والطقوس اللي بتمارس فيها كشكل اجتماعي بيلم الاسرة ومن خلال تناول الجبنة بتطرح الامور والمشاكل الاسرية
نمرة اتنين الاغنية عند الحبوبات بتاخد أنماط مختلفة بتبدا من اللولاي والهدهدة وتتحول فيمابعد لمعاني وقيم تانية زي الاوردتيهو انتي الان.
تالتا تناول جزئيات الفلكلور السوداني الصميم من خلال تثبيت مفهوم انو مهما تقلب بينا العصر في مضامين في التراث لازم نحافظ عليها وده كان واحد من أهداف بوست جامعة بت البلد الشديدة ولضيدة
الحبوبة بتمثل جامعة في حد ذاتا لانها خريجة مدرسة الحياة الواسعه
حاجيك راجع لانو البوست بستاهل
تسلم أريج الوعد

عزيزي شيكو دايما ماتجيد قراءت الافكار... نعم اردت ان تكون الفكرة متعددة الالوان حتي تاخذ البعد الثقافي للعادات... والفكرة الاساسية بمعالج الامور الحياة بشكل بسيط وسهل... والاغاني للترويح عن النفس حتي لا يكون البوست جامد فمواد مواضيع النقاش تكون ثقيلة بعض الشي علي النفس.....
وياولدي اقعد مع اخوانك النحدثك......






التوقيع

رد مع اقتباس
قديم 03-16-2011, 08:20 PM رقم المشاركة : 8
معلومات العضو
اريج الوعد
عضو مجتهد

الصورة الرمزية اريج الوعد

افتراضي

اقتباس
  المشاركة الأصلية كتبت بواسطة روعة النيل
اريج الوعد

انثري حضوركــ على اوضة حبوبتى ...

وعنقريبها المنسوج محنة ....

وادخلى جوه لا تكلها ....

.ونسينا بفاطنى السمحة ...

وبنات الحور ...

.وادخلى على مخلاية ملانى ذكريات ...

.معطونة حديث ونضم طاعم ..

يشبه بلدنا ...

وتلك الشلوخ .....

التى رسمت ملامح طيبة,,,,,

وياها قلوب حبيبة ..وملآآآنى طيبة ....

منتظرنكــــ على اثير تلك الوسادة

حتى تكتمل لوحتنا بحبوبتنا ..

يابنيتي ياروعة حبابك واسعد يوم الله جابك....
اقعدي الاحجيك واحدثك بروعة الاسم الشايلاه... النيل يابنيتي محنه وإلفة... وكمان تاريخ وعزة فدوهو ابواتنا بارواحه....
واحكيلك يوم النيل زعل وهاج واتفرتكت الحلة وكيف بعد حنو قسي بس قسوة الاب علي اولادو تجي في دقيقة وبعدها تروق وتصفي اصلو مابيتحمل زعلهم... اها وبجيك لفاطني اصلها عندها قصص كتيري بس اشوف اخوانك ديل وارجعلك...






التوقيع

رد مع اقتباس
قديم 03-16-2011, 08:31 PM رقم المشاركة : 9
معلومات العضو
اريج الوعد
عضو مجتهد

الصورة الرمزية اريج الوعد

افتراضي

اقتباس
  المشاركة الأصلية كتبت بواسطة عثمان جرا
اريج....
مررت من هنا فكنت حاضراً فى زمان الدهشة الجميل ...
مررت من هنا فكانت الذكريات الاحلى على الاطلاق ...
وهنا تذكرت اندثار معانى الحبوبة التى نعرفها ..
والحبوبة الآن ...
حبوبة عصرية ...
هل لذلك الزمان من عودة....؟؟؟


ياوليدي ياعثمان نان ان جاني واحد متلك كدي كدا بتكلم بلغة الانترنت مابفهمو عشان كدا طورت نفسي وبقيت معاكم في المنتدي وكمان الفيس بوك ماني حبوبة مثقفة.... لكن ياوليدي النسي قديمو تاه تاهة معاهو كل معاني الجمال... عادتنا السمحة ما بنخليها والماهي سمحة بنغيرها ونطورها عشان علي قول سوزي (تبقي استايل)... اها ياوليدي خليك قريب جاياك احدثك في موضوع الفيس بوك دي وكمان الاستايل...






التوقيع

رد مع اقتباس
قديم 03-16-2011, 08:59 PM رقم المشاركة : 10
معلومات العضو
اريج الوعد
عضو مجتهد

الصورة الرمزية اريج الوعد

افتراضي

اقتباس
  المشاركة الأصلية كتبت بواسطة قوس قزح
اريج الوعد .. انتي اظنك تربية حبوبات ، جنس الكلام ده مابعرفوهو الا الناس الربتن حبوباتن .. والله اول مرة اسمعوا .. قعدة جبنتك لذيذة ودايما ما تدور في قعدات القهوة ( خلاف القطيعة ) كتير من الاهازيج وانواع الونسات المختلفة وبعض الطقوس المرتبطة بالبيئة والمكان ، حضرت مثل هذه القعدات وانا صغير جدا جدا ، لكن بكل أسف حبوببتي ماتت ( ربنا يرحما ) وانا لسه صغير ومن يوما اتفرتكت قعدة القهوة في بيتنا ..


غايتو نحن بنتفرج واكيد حنستمتع بالقعدة دي
تقبلي تحياتي


ياوليدي القوس خليك قريب...
لي كلامي تلقي المجيب...
عشان تعرف قصصناوحكاوينا مع القريب...
وكيفن بنكرم البيكون غريب...
في المسادير كملنا النضم...
والنصيحة بتلقاهي عند اهل الكلم..






التوقيع

رد مع اقتباس
قديم 03-16-2011, 09:49 PM رقم المشاركة : 11
معلومات العضو
عبد الواحد محمد

الصورة الرمزية عبد الواحد محمد

وسام العطاء الألفية الرابعة شكر تقدير 3 الادارة القلم الذهبي VIP 

افتراضي

يا بنية رضعت من صدر النيل
ورضعت المحنة ونفس الزمن الجميل
...
كم تعجبني هذه الزاوية من دنيتنا الجميلة
فكل ما نحمله من قبح الزمن الحاضر
تبخر وتلاشى امام هذه الرجعة الجميلة
شكرا على هذا الرجوع المتقدم الكريمة اريج
فقد كررت كرة جميلة الى الوراء
وها نحن نكر معك ذات الكرة
وعندما تفرين الى الامام فنحن معك ايضا نفر الى الحاضر ..
وما بين كر وفر معكوسين تتجلى عظمة جمال اريج الوعد والقها
كوني بخير مع التقدير والاحترام ...







التوقيع



رد مع اقتباس
قديم 03-17-2011, 07:20 PM رقم المشاركة : 12
معلومات العضو
شيكو
عضو ممتاز

الصورة الرمزية شيكو

إحصائية العضو







آخر مواضيعي

شيكو غير متواجد حالياً


الالفية 2000 

افتراضي

نفوسنا الصابرة مغلوبة
ومن أعمارنا محسوبة
طريت الرجعة لي دارنا
وطريتا أشوفا حبوبه

في ضل الضحي الهابي
ماخده التكيه هبابي
ووليدا ليها بتشابي

حبوبتي العظيم شانا
الفي كيفا سلطانه
ومويتن ليها عكرانه
مطمسه فيها فنجانا
أمسك البكري واسكت كب
أصلو الشافعة خمجانة






التوقيع

كان ما وقفت مع الحق ماتصفق للباطل
رد مع اقتباس
قديم 03-18-2011, 12:11 AM رقم المشاركة : 13
معلومات العضو
عمار حبة
عضو ممتاز

الصورة الرمزية عمار حبة

الفية 1000 درع التميز 

افتراضي

قعدنا لامن فترنا عشان تورونا الشى الفى السحارة دا شنو ماوريتونا
نان هو فتر يايمه....!!!!






التوقيع

رد مع اقتباس
قديم 03-19-2011, 12:24 PM رقم المشاركة : 14
معلومات العضو
بت سودانية
عضو نشيط

الصورة الرمزية بت سودانية

افتراضي

الله عليك يا اريج والله احلى كلام كلام حبوبة والقعدة المغربية وونستها واحاجيها البتقولها لينا..
واجمل حاجة الاحاجي دي زي مثلا:

ان شالوه ما بنشال وان خلوه سكن الدار
حبوبتي في ديوانا تاكل في مصرنا

وغيرها كتييييييييييييير..
دمتي بود حبيبتي..







رد مع اقتباس
قديم 03-20-2011, 11:25 PM رقم المشاركة : 15
معلومات العضو
اريج الوعد
عضو مجتهد

الصورة الرمزية اريج الوعد

افتراضي

اقتباس
  المشاركة الأصلية كتبت بواسطة عبد الواحد محمد
يا بنية رضعت من صدر النيل
ورضعت المحنة ونفس الزمن الجميل
...
كم تعجبني هذه الزاوية من دنيتنا الجميلة
فكل ما نحمله من قبح الزمن الحاضر
تبخر وتلاشى امام هذه الرجعة الجميلة
شكرا على هذا الرجوع المتقدم الكريمة اريج
فقد كررت كرة جميلة الى الوراء
وها نحن نكر معك ذات الكرة
وعندما تفرين الى الامام فنحن معك ايضا نفر الى الحاضر ..
وما بين كر وفر معكوسين تتجلى عظمة جمال اريج الوعد والقها
كوني بخير مع التقدير والاحترام ...


ياوليدي كلامك حلو زي طلتك... ومساك الله بالخير وكل مساء ليك زين.. فشان شابا تكيل العين وكل شابة تتمناك ليها قرين...
ياوليدي اعدل المكتوب.. وكلامك طب للمصيوب...
اسعد الله ايامك ياوليدي تعال النحدثك... عن عاداتنا السمحة وبسالة اولادنا... وحكم ابواتنا... وطيب بناتنا.. وقار اماتنا... ولا تغيب...






التوقيع

رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 

(عرض الكل الاعضاء الذين شاهدو هذا الموضوع: 33
أم احمد, أمير احمد, أبو حراز, آدم حسن, محجوب, أنثى الحب, لون المطر, ام مازن, المبدع, الباشا, الدقاق, القريشابي, ابو عبير, اريج الوعد, اشرف السر, تاجر الورد, بت الخدر, بت سودانية, بركلاويه, ياسمين, روعة النيل, شيكو, عمار, عمار حبة, عمرالروسى, عمرابى, عثمان جرا, عبد الواحد محمد, ودالحسن, ودود الابتسامه, نوارة البركل, قوس قزح, كوكب
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +3. الساعة الآن 02:19 PM.


Powered by vBulletin® Version 3.8.4
Copyright ©2000 - 2014, Jelsoft Enterprises Ltd.

جميع الحقوق محفوظة لدى مرافيء الابداع السودانية

a.d - i.s.s.w